Барилгын Хөгжлийн Үндэсний Нэгдсэн Төв

Энэ журамд оруулах санал хүсэлтээ info@barilga.mn руу ирүүлнэ үү.

НИЙСЛЭЛИЙН НУТАГ ДЭВСГЭРТ БАРИЛГА БАРИХ ГАЗРЫН ЭРХ ОЛГОХ, БАРИЛГЫН ЭХ ЗАГВАР ЗУРАГ БАТЛАХ, БАРИЛГА УГСРАЛТЫН АЖИЛ ЭХЛҮҮЛЭХ, АШИГЛАЛТАД ОРУУЛАХ ҮЙЛ АЖИЛЛАГААНЫ ЖУРАМ

НЭГДҮГЭЭР БҮЛЭГ. НИЙТЛЭГ ҮНДЭСЛЭЛ

1.1.Нийслэлийн нутаг дэвсгэрт барилга барих газрын эрх олгох, барилгын эх загвар зураг батлах, техникийн нөхцөл олгох, барилга угсралтын ажил эхлүүлэх, үргэлжлүүлэх зөвшөөрөл олгох, барилгыг ашиглалтад оруулах үйл ажиллагаа /цаашид “үйл ажиллагаа” гэх/-г зохицуулахад энэ журмын зорилго оршино.

1.2.Энэ журмыг нийслэлийн нутаг дэвсгэрт журмын 1.1-т заасан харилцаанд оролцогч иргэн, хуулийн этгээд өмчийн хэлбэрээс үл хамааран дагаж мөрдөнө.

1.3.Журмын 1.1-т заасан үйл ажиллагааг дараах байгууллага эрхлэн явуулна.

1.3.1. барилга барих газрын эрх олгох үйл ажиллагааг газрын асуудал эрхэлсэн төрийн захиргааны байгууллага /НӨХГ/

1.3.2.барилгын эх загвар батлах үйл ажиллагааг нийслэлийн барилга хот байгуулалтын асуудал эрхэлсэн байгууллага

1.3.3.техникийн нөхцөл олгох үйл ажиллагааг Улаанбаатар хотын Ерөнхий менежер

1.3.4. 17 давхар хүртэлх барилга байгууламжийн барилга угсралтын ажил эхлүүлэх, үргэлжлүүлэх зөвшөөрөл олгохүйл ажиллагааг нийслэлийн барилга хот байгуулалтын асуудал эрхэлсэн байгууллага

1.3.5. 17 давхар хүртэлх барилгыг ашиглалтад оруулах үйл ажиллагааг нийслэлийн барилга хот байгуулалтын асуудал эрхэлсэн байгууллага

ХОЁРДУГААР БҮЛЭГ. НИЙСЛЭЛИЙН НУТАГ ДЭВСГЭРИЙН ОРОН СУУЦ, ОЛОН НИЙТ, ҮЙЛДВЭРЛЭЛИЙН БҮСЭД БАРИЛГА БАРИХ ГАЗРЫН ЭРХ ОЛГОХ

 

Нийслэлийн нутаг дэвсгэрт барилга барих газрын эрхийг төсөвт байгууллагад Газрын тухай хуулийн 33 дугаар зүйлийн 33.1.1-т заасны дагуу Засаг даргын шийдвэрээр, бусад иргэн, аж ахуйн нэгж, байгууллагад 33.1.2-т заасны дагуу дуудлага худалдаа, төсөл шалгаруулалтаар олгоно.

2. БАРИЛГА БАРИХ ГАЗРЫН ЭРХИЙН ГЭРЧИЛГЭЭГ ДУУДЛАГА ХУДАЛДААГААР ОЛГОХ

 

2.1.Монгол улсын Засгийн газрын 2003 оны 28 дугаар тогтоолын 6 дугаар хавсралтаар батлагдсан “Газар өмчлүүлэх, эзэмшүүлэх, ашиглуулах дуудлага худалдаа явуулах журам”-д заасан газар эзэмшүүлэх, ашиглуулах эрхийн гэрчилгээг дуудлага худалдаагаар олгох үйл ажиллагааны бэлтгэл ажлыг газрын асуудал эрхэлсэн төрийн захиргааны байгууллага хариуцан зохион байгуулна.

2.2.Дуудлага худалдаагаар олгох газар нь тухайн жилийн газар зохион байгуулалтын төлөвлөгөөнд тусгагдсан байна.

2.3.Дуудлага худалдааг зохион байгуулахын өмнө дор дурьдсан үйл ажиллагааг хэрэгжүүлнэ.

2.3.1.тухайн газарт баригдах барилгын зориулалт, хэмжээг нийслэлийн барилга хот байгуулалт, газрын асуудал эрхэлсэн байгууллагуудын Газар, барилгажилтын зөвлөл /цаашид “Зөвлөл” гэх/-ийн хурлаар хэлэлцэн, архитектур төлөвлөлтийн даалгавар, инженерийн дэд бүтцийн төлөвлөлтийн шийдлийг тодорхойлсон байна.

2.3.2.Архитектур төлөвлөлтийн даалгаварын дагуу боловсруулсан барилгын эх загвар зургийг Улаанбаатар хотын Ерөнхий архитектор баталсан байна.

2.3.3.Барилгын инженерийн шийдлийн техникийн нөхцөлийн зөвшөөрлийг холбогдох байгууллагуудаас авсан байна.

2.3.4. Дуудлага худалдааг нийслэлийн Иргэний танхимын байранд зохион байгуулах бэлтгэл ажлыг хангасан байх

2.4.Дуудлага худалдааны зар мэдээ болон түүний үр дүнг Хэвлэлийн хүрээлэнгээс гаргасан өдөр тутмын сонингийн рейтингэд эхний 5 байранд орсон 3-аас доошгүй сонингийн 1-р нүүрэнд А5-аас дээш хэмжээтэйгээр, үндэсний хэмжээний радио, телевизийн 3-аас доошгүй сувгаар 20-оос дээш секундын хугацаатай мэдээг өдөрт 3-аас доошгүй давтамжтайгаар 5 хоногийн турш, мөн Нийслэлийн Засаг даргын Тамгын газар, барилга хот байгуулалтын болон газрын асуудал эрхэлсэн байгууллагуудын вэб хуудсанд дуудлага худалдааг хэвлэл мэдээллийн хэрэгсэлээр зарласан өдрөөс эхлэн товлосон өдөр хүртэлххугацаагаар байршуулж нийтэд мэдээлнэ.

2.5. “Газар өмчлүүлэх, эзэмшүүлэх, ашиглуулах дуудлага худалдаа явуулах журам”-ын 8 дугаар зүйлийн дуудлага худалдааны зар мэдээнд тусгах зүйлийн жагсаалтын 3 дугаар зүйлд заасан “Гэрээний зүйл” гэсэн хэсэгт дуудлага худалдаагаар худалдах газарт баригдах барилгын эх загвар зураг, газар эзэмших гэрээний нөхцөл болзолын талаар тусгана.

2.6.Сонирхогч этгээд дуудлага худалдаанд оролцох,олон нийтийн зүгээс дуудлага худалдааны үйл явцыг сонирхох, ажиглахнөхцөл боломжоор хангах, хэвлэл мэдээллийн хэрэгслээр шууд дамжуулах зэргээр дуудлага худалдааг нээлттэй хэлбэрээр зохион байгуулна.

2.7.Газрын эрхийн дуудлага худалдаа явуулах комиссыг дуудлага худалдаа явуулах тухай бүрд нийслэлийн Засаг даргын шийдвэрээр томилох бөгөөд 1 удаагийн дуудлага худалдаагаар хэд хэдэн газрын байршлыг дуудан худалдаж болно.

2.8.Томилогдсон комисс нь Монгол улсын Засгийн газрын 2003 оны 28 дугаар тогтоолын 6 дугаар хавсралтаар батлагдсан “Газар өмчлүүлэх, эзэмшүүлэх, ашиглуулах дуудлага худалдаа явуулах журам”-д заасан зарчим дарааллын дагуу дуудлага худалдааны үйл ажиллагааг явуулна.

2.9. Комиссын дарга нь дуудлага худалдааны ялагчтай “Газар өмчлүүлэх, эзэмшүүлэх, ашиглуулах дуудлага худалдаа явуулах журам”-ын 37 дугаар зүйлд заасны дагуу дуудлага худалдаанд хамгийн өндөр үнэ санал болгож ялсан этгээдтэйдуудлага худалдааны үр дүнгийн талаар гэрээ байгуулна

2.10.“Газар өмчлүүлэх, эзэмшүүлэх, ашиглуулах дуудлага худалдаа явуулах журам”-ын 38 дугаар зүйлд заасан төлбөрийг бүрэн төлсөнд тохиолдолд Засаг дарга газар эзэмшүүлэх шийдвэр гаргана.

2.11. Засаг дарга дараах тохиолдолд дуудлага худалдааг дахин зарлана.

2.11.1 Дуудлага худалдаанд нэг ч этгээд ирээгүй

2.11.2.Дуудлага худалдаанд нэгээсилүүгүй оролцогч санал ирүүлсэн

2.12. Дахин зарлагдсан дуудлага худалдааны зар мэдээг журмын 2.4.-т заасны дагуу мэдээлнэ.

2.13.Дахин зарлагдсан дуудлага худалдаанд нэг оролцогч санал ирүүлсэн тохиолдолд комисс дуудлага худалдааны анхны үнээр уг газрын эрхийг олгох саналыг тухайн оролцогчид тавьж гэрээ хийж болно.

2.14. Дахин зарлагдсан дуудлага худалдааны ялагчид газар эзэмшүүлэх эрх олгох шийдвэрийг энэ журмын 2.11-т заасан зарчмыг нэг адил баримтална.

3.БАРИЛГА БАРИХ ГАЗРЫН ЭРХИЙН ГЭРЧИЛГЭЭГ ТӨСӨЛ ШАЛГАРУУЛАЛТААР ОЛГОХ

3.1.Монгол улсын Засгийн газрын 2003 оны 28 дугаар тогтоолын 7 дугаар хавсралтаар батлагдсан “Газар эзэмшүүлэх төсөл сонгон шалгаруулалт явуулах журам”-ын дагуухийгдэх газар эзэмшүүлэх, ашиглуулах эрхийн гэрчилгээг төсөл шалгаруулалтаар олгох үйл ажиллагааны бэлтгэл ажлыг газрын асуудал эрхэлсэн төрийн захиргааны байгууллага хариуцан зохион байгуулна.

3.2.Нийслэлийн тухайн жилийн газар зохион байгуулалтын төлөвлөгөөнд эзэмшүүлж, ашиглуулахаар тусгасан байршлуудаас төсөл сонгон шалгаруулалтаар олгох газрын байршлын жагсаалтыг нийслэлийн Засаг дарга тухайн жилийн төлөвлөгөө батлагдсанаас хойш 30 хоногийн дотор нийтэд зарласан байна.

3.3. Газар эзэмшүүлэх эрхийг дараах тохиолдолд төсөл шалгаруулалтаар олгоно.

3.3.1.эрчим хүчний болон цэвэр усны эх үүсвэр, цэвэрлэх байгууламж

3.3.2. хог дахин боловсруулах үйлдвэр

3.3.3. нэг мянгаас дээш ажлын байр бий болгосон үйлдвэрийн зориулалттайбарилга байгууламж

3.3.4 нийслэлээс орон сууцны хөтөлбөр хэрэгжүүлэхтэй холбогдуулан зарласан байршилд баригдах орон сууцны хорооллын барилга байгууламж

3.5. Төсөл шалгаруулалтын бүртгэлийн үйл ажиллагааг газрын асуудал эрхэлсэн төрийн захиргааны байгууллага хариуцан зохион байгуулна.

3.6.Нэг удаагийн төсөл шалгаруулалтанд 2 хүртэл газрын байршлыг зарлан оруулах бөгөөд төсөл сонгон шалгаруулалт явуулах тухай бүр Нийслэлийн Засаг дарга төсөл шалгаруулах комиссын бүрэлдэхүүнийг өөрчлөн томилно. Засаг даргын захирамжаар томилогдсон төсөл шалгаруулах комисс нь тухайн төслийг үнэлэх үйл ажиллагааг гүйцэтгэнэ.

3.7. Монгол улсын Засгийн газрын 2003 оны 28 дугаар тогтоолын 7 дугаар хавсралтаар батлагдсан “Газар эзэмшүүлэх төсөл сонгон шалгаруулалт явуулах журам”-ын 2 дугаар зүйлд заасан төсөл шалгаруулалтаар газар эзэмшүүлэх ажиллагааг хаалттай хүрээнд явуулна гэж заасны дагуу төсөл шалгаруулах комиссын төслийг үнэлэн шалгаруулж, дүгнэлт гаргах хуралдааныг хаалттай хэлбэрээр зохион байгуулна.

3.8.Томилогдсон комисс төсөл шалгаруулалтад орсон бүх байршлын шалгаруулалтын ажиллагааг нэг хуралдаанаар эцэслэн шийдвэрлэнэ.

3.9. Үнэлэх үйл ажиллагаанаас өгөгдсөн оноог цахим хэлбэрээр нэгтгэж, үр дүнг гаргах тооллогын комиссыг нийслэлийн Засаг даргын шийдвэрээр томилно.

3.10. Тооллогын комиссын дүгнэлтийг үндэслэн Засаг дарга Монгол улсын Засгийн газрын 2003 оны 28 дугаар тогтоолын 7 дугаар хавсралтаар батлагдсан “Газар эзэмшүүлэх төсөл сонгон шалгаруулалт явуулах журам”-ын дагуугазар эзэмшүүлэх, ашиглуулах шийдвэр гаргана.

3.11.Төсөл шалгаруулалтын мэдээ болон түүний үр дүнг Хэвлэлийн хүрээлэнгээс гаргасан өдөр тутмын сонингийн рейтингэд эхний 5 байранд орсон 3-аас доошгүй сонингийн 1-р нүүрэнд А5-аас дээш хэмжээтэйгээр, үндэсний хэмжээний радио, телевизийн 3-аас доошгүй сувгаар 20-оос дээш секундын хугацаатай мэдээг өдөрт 3-аас доошгүй давтамжтайгаар 5 хоногийн турш, мөн Нийслэлийн Засаг даргын Тамгын газар, барилга хот байгуулалтын болон газрын асуудал эрхэлсэн байгууллагуудын вэб хуудсанд төсөл шалгаруулалтыг хэвлэл мэдээллийн хэрэгсэлээр зарласан өдрөөс эхлэн товлосон өдөр хүртэлххугацаагаар байршуулж нийтэд мэдээлнэ.

4.ТӨСӨВТ БАЙГУУЛЛАГЫН ЗАЙЛШГҮЙ ХЭРЭГЦЭЭНД ЗОРИУЛАН ГАЗАР ЭЗЭМШҮҮЛЭХ ЭРХ ОЛГОХ

 

4.1.Газрын тухай хуулийн 33 дугаар зүйлийн 33.1.1 дэх заалтын дагуу төсөвт байгууллагын зайлшгүй хэрэгцээнд зориулан газар эзэмшүүлэх эрх олгох үйл ажиллагааггазрын асуудал эрхэлсэн төрийн захиргааны байгууллага хариуцан зохион байгуулна.

4.2. Tөсөвт байгууллагын зайлшгүй хэрэгцээ гэдэг нь Улсын дээд шүүхийн Газрын тухай хуулийн зарим зүйл заалтыг тайлбарлах тухай 2008 оны 15 дугаар тогтоолын 1.7-д зааснаар тодорхойлогдоно.

4.3.Төсөвт байгууллагын газар эзэмших хүсэлтийг Газрын тухай хуулийн 32 дугаар зүйлд заасан журмын дагуу Иргэдийн хүлээн авах төвөөр дамжуулан хүсэлтийг хүлээн авч нийслэлийн барилга хот байгуулалт, газрын асуудал эрхэлсэн байгууллагуудын Газар, барилгажилтын зөвлөлийн хурлаар хэлэлцүүлэн дүгнэлт гаргуулна.

4.4.Tөсөвт байгууллагын зайлшгүй хэрэгцээндэзэмшүүлэх газрын байршил, хэмжээ, зориулалт нь тухайн жилийн газар зохион байгуулалтын төлөвлөгөөнд тусгагдсан хотын хөгжлийн ерөнхий төлөвлөгөөтэй уялдсанбайна.

4.5.Төсөвт байгууллагын үндсэн чиг үүргээ хэрэгжүүлэхэд зориулан газар эзэмшүүлэх шийдвэрийг журмын 4.3-т заасан зөвлөлийн санал дүгнэлтийг харгалзан нийслэлийн Засаг дарга гаргана.

ГУРАВДУГААР БҮЛЭГ. Барилгын ЭХ ЗАГВАР ЗУРАГ БАТЛАХ

5.1.Нийслэлийн барилга, хот байгуулалтын асуудал эрхэлсэн байгууллага иргэн, хуулийн этгээдийн өмчлөл, эзэмшил, ашиглалтын газарт барилга барих асуудлыг хотын хөгжлийн ерөнхий төлөвлөгөө, хэсэгчилсэн ерөнхий төлөвлөгөөнд нийцүүлэн шийдвэрлэж, барилга барих зөвшөөрөл олгоно.

5.2.Барилга барих зөвшөөрлийг Хот байгуулалтын тухай хуулийн 10.1 дүгээр зүйл, Монгол Улсын иргэнд газар өмчлүүлэх тухай хуулийн 27 дүгээр зүйлийн 27.1.7,2009 оны 204 дүгээр тогтоолоор батлагдсан “Барилга байгууламжийн зураг төсөл боловсруулах, зөвшилцөх, магадлал хийх дүрэм” болон холбогдох норм дүрмийг баримтлан олгоно.

5.3. Иргэн, хуулийн этгээд барилга барих хүсэлтээ нийслэлийн Иргэдийг хүлээн авах төвөөр дамжуулан нийслэлийн барилгын асуудал эрхэлсэн байгууллагад гаргана.

5.4.Барилга барих хүсэлт нь дараах бүрдэлтэй байна.

5.4.1.иргэний өргөдөл, хуулийн этгээдийн албан бичиг;

5.4.2.газар өмчлөх, эзэмших, ашиглах эрхийн гэрчилгээ, гэрээ, кадастрын зургийн нотариатаар батлагдсан хуулбар;

5.4.3.барилга барихтай холбогдуулан байгууллага, иргэд хооронд байгуулсан гэрээний нотариатаар батлагдсан хуулбар (шаардлагатай тохиолдолд);

5.5. Ерөнхий төлөвлөгөө, газрын зориулалт, барилгын норм дүрмийг хангахгүй байгаа зэрэг тодорхой шалтгаанаар барилга барих хүсэлтийг хүлээн авах боломжгүй тохиолдолд нийслэлийн барилгын асуудал эрхэлсэн байгууллагаас үндэслэл бүхий хариуг хүсэлт гаргагчид ажлын 7 хоногт багтаан албан бичгээр өгнө.

5.6.Барилга барих хүсэлтийг хүлээн авснаас хойш ажлын 14 хоногт багтаан Зөвлөлийн хурлаар хэлэлцүүлж, дэмжигдсэн шийдвэрийг үндэслэн “Архитектур төлөвлөлтийн даалгавар”-ыг ажлын 2 хоногт багтаан Улаанбаатар хотын Ерөнхий архитектороор баталгаажуулж, түүнийг хүсэлт гаргагчид хүлээлгэн өгнө.

5.7.Энэ журмын 5.6-т заасан архитектур төлөвлөлтийн даалгавар хүлээн авсан иргэн, хуулийн этгээд барилгын эх загвар зургийг боловсруулахад хот байгуулалтын мэдээллийн сан дахь дэвсгэр зурагт үндэслэн эрх бүхий мэргэжлийн байгууллагаар хийлгэнэ.

5.8.Барилгын эх загвар зургийг нийслэлийн барилгын асуудал эрхэлсэн байгууллага ажлын 2 хоногт хянан батална.

5.9.Энэ журмын 9.8-д заасан гэрээг байгуулсан тохиолдолд нийслэлийн барилгын асуудал эрхэлсэн байгууллага нь орон сууцны барилгын эх загвар зургийг хянан батлана.

5.10.Барилга барих хүсэлтийг шийдвэрлэсэн хурлын шийдвэр, хүсэлтийн хариуг эс зөвшөөрсөн тохиолдолд хүсэлт гаргагч нь Улаанбаатар хотын Ерөнхий архитекторт гомдол гаргаж болно.

5.11.Барилгын эх загвар зураг батлуулсан иргэн, хуулийн этгээдийн газар өмчлөх, эзэмших, ашиглах эрхөөрэтгээдэдшилжсэн тохиолдолд барилгын эх загвар зургийг хамт шилжсэнд тооцно.

5.12.Нийслэлийн Өмчийн харилцааны газар нь орон сууцны барилга барих, орон сууц барихаар газрын зориулалт өөрчлөх зөвшөөрөл олгогдсон газар эзэмшигч, ашиглагчтай орон сууцны барилгын нийт ашигтай талбайн 2 хувьтай тэнцэх хэмжээний орон сууцыг нийслэлийн орон сууцны санд төвлөрүүлэхээр гэрээ байгуулна.

ДӨРӨВДҮГЭЭР БҮЛЭГ. ГАЗАР ЭЗЭМШҮҮЛЭХ ЭРХ ОЛГОХ, БАРИЛГА БАРИХ ҮЙЛ АЖИЛЛАГААНД ИРГЭН, ХУУЛИЙН ЭТГЭЭДИЙН ОРОЛЦООГ ХАНГАХ, САНАЛЫГ ТУСГАХ

6.1.Нийслэлийн нутаг дэвсгэрт газар эзэмшүүлэх эрх олгох, барилгa барих үйл ажиллагаанд иргэн, хуулийн этгээдийн оролцоог ханган саналыг авна.

6.2.Дараах тохиолдолд газрын эрх олгох барилга барих үйл ажиллагаанд иргэн, хуулийн этгээдийн саналыг авсан байна.

6.2.1. газар эзэмшүүлэх, ашиглуулах эрх олгоходиргэн хуулийн этгээдээс санал авах үйл ажиллагааг тухайн жилийн газар зохион байгуулалтын төлөвлөгөөг боловсруулан эзэмшүүлэх ашиглуулах газрын байршлыг тогтоох явцад

6.2.2. орон сууцны хороолол дундах барилгажаагүй талбайд барилга байгууламж барихад;

6.2.3. гэр хорооллын газар дахь нэгж талбарт барилга барих /амины орон сууцнаас бусад барилгын хувьд/;

6.2.4. инженерийн болон нийгмийн дэд бүтэц, инженерийн бэлтгэл арга хэмжээний барилга барих, өргөтгөх, зураг төсөл боловсруулахад.

6.3. Журмын 6.2.-д заасан тохиолдлуудад дараах зарчмаар санал авна.

6.3.1. тухайн жилийн газар зохион байгуулалтын төлөвлөгөөг боловсруулах явцад тухайн сонгогдож буй байршлын хил хязгаарыг тогтоосон эргэлтийн цэгүүдээс 90м-т байгаа үл хөдлөх хөрөнгийн өмчлөгчөөс уг төлөвлөгөөг боловсруулж буй байгууллага

6.3.2. орон сууцны хороолол дундах барилгажаагүй талбайд барилга барих тохиолдолд нэгж талбарын хил хязгаарыг тогтоосон эргэлтийн цэгүүдээс 90м-т байгаа үл хөдлөх хөрөнгийн өмчлөгчөөс барилга барих хүсэлт гаргасан этгээд

6.3.4. гэр хороолын нэгж талбарт байгаа эдэлбэр газрынхил залгаа хөршөөсбарилга барих хүсэлт гаргасан этгээд

6.3.5.инженерийн болон нийгмийн дэд бүтэц,инженерийн бэлтгэл арга хэмжээний барилга байгууламжийн трасст орж байгаа үл хөдлөх хөрөнгө өмчлөгч, газар эзэмшигчээс зураг төсөл боловсруулж буй иргэн, хуулийн этгээд

6.4.Баригдах барилгын талаарх мэдээллийг олон нийтэд мэдээлэх 3х2м хэмжээтэй самбарыг барилгажих талбайд орчны иргэдэд тод харагдахуйцаар 7-оос доошгүй хоног байршуулна.

6.5.Мэдээллийн самбарт дараах мэдээллийг тусгасан байна.

6.5.1.газар эзэмшигчийн нэр, газрын зориулалт, хэмжээ, газар олгосон шийдвэр;

6.5.2.төлөвлөж буй барилгын талаарх мэдээлэл, план зураг;

6.5.3.санал авах хугацаа, зөвлөлийн хурлын тов, хаяг, холбоо барих утасны дугаар.

6.6.Баригдах барилгын талаарх саналыг бичгээр, эсвэл зөвлөлийн хуралд төлөөлөлөө оролцуулах замаар гаргаж болно.

6.7. Бичгээр ирүүлэх саналыг нийслэлийн барилга, хот байгуулалтын асуудал эрхэлсэн байгууллагад ирүүлнэ.

6.8. Зөвлөлийн хуралд төлөөлөн оролцох иргэн нь төлөөлөх эрхээ бичгээр баталгаажуулсан байна..

6.9. Зөвлөлийн хурлын тов, хэлэлцэх асуудлын жагсаалтыг нийслэлийн барилгын асуудал эрхэлсэн байгууллагын цахим хуудсанд байршуулж, хуралд иргэд оролцож санал өгөх нөхцөлийг бүрдүүлнэ.

6.10.Зөвлөлийн хуралд төлөөлөлөө оролцуулаагүй, саналаа ирүүлээгүй тохиолдолд тухайн байршилд барилгажихыг зөвшөөрсөнд тооцно.

6.11.Санал өгвөл зохих иргэдийн 80 хувь нь барилга барихыг зөвшөөрсөн тохиолдолд барилга барих зөвшөөрөл олгоно.

6.12. Барилгын захиалагч нь санал авах самбарыг нийслэлийн барилга хот байгуулалтын асуудал эрхэлсэн байгууллагад захиалж хийлгүүлэн байршуулна.

ТАВДУГААР БҮЛЭГ. ТЕХНИКИЙН НӨХЦӨЛ ОЛГОХ

7.1.Иргэн, хуулийн этгээд барилгын эх загвар зургийг баталгаажуулсаны дараа техникийн нөхцөлийг нэг цэгийн үйлчилгээгээр авна.

7.2. Техникийн нөхцөлийг нэг цэгийн үйлчилгээгээр олгох үйл ажиллагааны журмыг батлуулан Улаанбаатар хотын Ерөнхий менежер хариуцан зохион байгуулна.

ЗУРГААДУГААР БҮЛЭГ. Барилгын ажлЫГ эхлүүлэх, үргэлжлүүлэх

ЗӨВШӨӨРӨЛ ОЛГОХ

8.1.Монгол улсын Засгийн газрын 2012 оны 151 дүгээр тогтоолоор батлагдсан “Барилгын ажлыг эхлүүлэх, үргэлжлүүлэх зөвшөөрөл олгох, ашиглалтад оруулах дүрэм”-ийг баримтлан барилгын ажлыг эхлүүлэх, үргэлжлүүлэх зөвшөөрөл олгоно.

8.2.Иргэн, хуулийн этгээд нь барилгын ажлыг эхлүүлэх, үргэлжлүүлэх хүсэлтийг нийслэлийн Иргэдийг хүлээн авах төвөөр дамжуулан нийслэлийн барилгын асуудал эрхэлсэн байгууллагад гаргана.

8.3.Барилгын ажлыг эхлүүлэх, үргэлжлүүлэх зөвшөөрөл олгох хүсэлт нь Засгийн газрын 2012 оны 151 дүгээр тогтоолын 4 дүгээр хавсралтын “А” хэсэгт заасны дагуу дараах бүрдэлтэй байна.

8.3.1.зөвшөөрөл олгохыг хүссэн өргөдөл;

8.3.2.барилгын ажил, үйлчилгээ эрхлэх тусгай зөвшөөрлийн гэрчилгээ (тухайн ажлыг гүйцэтгэх хүрээнд тохирсон);

8.3.3. тухайн барилгын магадлал хийгдсэн зураг төсөл;

8.3.4.барилга угсралтын ажилд захиалагчийн техникийн хяналт гүйцэтгэх инженер техникийн ажилтныг томилсон шийдвэр;

8.3.5.захиалагч (хөрөнгө оруулагч)-ийн техникийн хяналт гүйцэтгэх болон зохиогчийн хяналт хийх гэрээ;

8.3.6.барилга угсралтын ажлыг гүйцэтгэх гэрээ;

8.3.7.хөдөлмөрийн аюулгүй байдал, эрүүл ахуйн үйл ажиллагааны шаардлагыг хангасан барилгын талбайн зохион байгуулалтын зураг.

8.4.Дор дурьдсан шаардлагыг хангасан иргэн, хуулийн этгээдэд барилгын ажлыг эхлүүлэх, үргэлжлүүлэх зөвшөөрөл олгоно.

8.4.1.энэ журмын 8.3-т заасан баримт бичгийн бүрдлийг хангасан байх;

8.4.2.барилгын тэг тэнхлэгийг газарт буулгах, барилгын хамгаалалтын хашаа, орц, гарцын байршлыг нийслэлийн барилгын асуудал эрхэлсэн байгууллагаар тогтоолгосон байх;

8.4.3.барилгын талбайн зохион байгуулалт, барилгын хамгаалалтын хашаа, орц , гарцыг тогтоосон зургийн дагуу гүйцэтгэсэн байх;

8.4.4.барилга угсралтын ажил удаан хугацаагаар зогссон болон хуучин барилгад шинэчлэлт хийх үед салбарын мэргэжлийн хяналтын байгууллагын шийдвэр, зөвлөх үйлчилгээ гүйцэтгэгчийн дүгнэлт гаргуулах.

8.5.Энэ журмын 8.3, 8.4-т заасан баримт бичгийн бүрдэл дутуу, зөвшөөрөл хүссэн барилгын газар болон барилгатай холбоотой асуудлаар шүүх, хууль хяналтын байгууллагад хянан шийдвэрлэх ажиллагаа явагдаж байгаа зэрэг шалтгаанаар хүсэлтийг хүлээн авах боломжгүй тохиолдолд нийслэлийн барилгын асуудал эрхэлсэн байгууллагаас үндэслэл бүхий хариуг хүсэлт гаргагчид ажлын 3 хоногт багтаан өгнө.

8.6.Барилгын ажлыг эхлүүлэх, үргэлжлүүлэх зөвшөөрлийг нийслэлийн барилгын асуудал эрхэлсэн байгууллага олгоно.

8.7.Нийслэлийн барилгын асуудал эрхэлсэн байгууллага баримт бичгийн бүрдэл болон барилгын талбайн хяналтыг гүйцэтгэсний үндсэн дээр барилгын ажлыг эхлүүлэх, үргэлжлүүлэх зөвшөөрлийг хүсэлт хүлээн авснаас хойш ажлын 3 хоногт багтаан холбогдох иргэн, хуулийн этгээдэд олгоно.

8.8.Захиалагчийн техникийн хяналт нь барилгын зураг төсөл болон барилга угсралтын ажлын үе шатны хяналтаар хэрэгжинэ.

8.9.Энэ журмын 10.8-д заасан техникийн хяналтыг захиалагчийн сонгосон мэргэжлийн баг, хуулийн этгээд гэрээний үндсэн дээр хэрэгжүүлнэ.

8.10.Техник хяналтын гэрээнд хяналтыг хэрэгжүүлэх дор дурьдсан асуудлыг заавал тусгана.

8.10.1.барилгын хийц, бүтээц, материал, эдлэхүүний чанар

8.10.2.барилга угсралтын хөдөлмөр хамгаалал, аюулгүй ажиллагаа

8.10.3 талбайн зохион байгуулалт

8.11.Нийслэлийн барилгын асуудал эрхэлсэн байгууллага нь дор дурдсан санал, хүсэлтийг хянаж, барилгын ажил эхлүүлэх, үргэлжлүүлэх зөвшөөрлийг хүчингүй болгож болно.

8.11.1.захиалагч /хөрөнгө оруулагч/-ийн хүсэлт;

8.11.2.техникийн хяналт гүйцэтгэгчийн санал.

8.11.3.барилгын үйлдвэрлэлийн явцад технологийн ноцтой алдаа гаргасныг мэргэжлийн хяналтын байгууллага тогтоож, ирүүлсэн санал.

8.12.Нийслэлийн барилгын асуудал эрхэлсэн байгууллага нь албан ёсны зөвшөөрөлтэй болон зөвшөөрөлгүй барилгын талаарх мэдээллийг өөрийн байгууллагын /mpa.ub.gov.mn/ цахим хуудсанд байршуулан нийтэд мэдээлнэ.

8.13.Цахим хуудсаар дамжуулан мэдээлсэн зөвшөөрөлгүй болон зөрчилтэй барилгад захиалга өгсөн, худалдан авсан зэргээс үүдэн гарсан хохиролд төр хариуцлага хүлээхгүй.

8.14. Нийслэлийн барилгын асуудал эрхэлсэн байгууллагаасбарилгын ажил эхлүүлэх, үргэлжлүүлэх зөвшөөрөл авалгүйгээр барилга угсралтын ажил эхлүүлсэн иргэн хуулийн этгээдийн талаарх мэдээллийг банк, санхүүгийн байгууллага, инженерийн дэд бүтцийн техникийн нөхцөл олгогч байгууллагуудад албан ёсоор хүргүүлнэ.

ДОЛООДУГААР БҮЛЭГ. Барилгыг ашиглалтад оруулах

9.1.Монгол улсын Засгийн газрын 2012 оны 151 дүгээр тогтоолоор батлагдсан “Барилгын ажлыг эхлүүлэх, үргэлжлүүлэх зөвшөөрөл олгох, ашиглалтад оруулах дүрэм”-ийг баримтлан барилгыг ашиглалтад оруулна.

9.2.Иргэн, хуулийн этгээд нь барилгыг ашиглалтад оруулах хүсэлтийг нийслэлийн Иргэдийг хүлээн авах төвөөр дамжуулан нийслэлийн барилгын асуудал эрхэлсэн байгууллагад гаргана.

9.3.Барилгыг ашиглалтад оруулах хүсэлт нь Засгийн газрын 2012 оны 151 дүгээр тогтоолын 4 дүгээр хавсралтын “Б” хэсэгт заасан баримт бичгээс бүрдсэн байна.

9.4.Баримт бичгийн бүрдэл, барилга угсралтын ажлын гүйцэтгэлийг урьдчилан хянаж, шаардлага хангасан бол барилгын зориулалт, хүчин чадал, хийц бүтээцээс хамааруулан барилга ашиглалтад оруулах комиссын бүрэлдэхүүн, ажиллах хуваарийг нийслэлийн барилгын асуудал эрхэлсэн байгууллагын даргын тушаалаар долоо хоног бүрийн пүрэв гаригт батлан ажиллуулна.

9.5.Барилгыг ашиглалтад оруулах комисс барилга угсралтын ажлын гүйцэтгэлийг шалгана.

9.6.Нийслэлийн Өмчийн харилцааны газар нь энэ журмын 5.12-д дурьдсан орон сууц төвлөрүүлэх гэрээний биелэлтийг хангуулан, орон сууцыг нийслэлийн өмчид бүртгэх ажлыг хариуцан гүйцэтгэнэ.

9.7.Батлагдсан зураг төслийн дагуу тохижилтын ажил хийгээгүй барилгад ашиглалтад оруулах комисс ажиллуулах хүсэлт ирүлсэн бол захиалагч нь Улаанбаатар хотын Захирагчийн ажлын албатай тохижилтын ажлын гэрээ байгуулж тухайн барилга байгууламжийн орчны тохижилтод шаардагдах зардлыг батлагдсан төсвийн дагуу байршуулсан байна.

9.8.Захиалагч /зөвлөх үйлчилгээ үзүүлэгч/, гүйцэтгэгч нь комиссоос өгсөн үүргийн биелэлтийг 14 хоногт бүрэн хангасан тохиолдолд барилга ашиглалтад оруулах акт үйлдэж, түүнд бүх гишүүд гарын үсэг зурна.

9.9.Барилга ашиглалтад оруулах актад нэгдсэн дугаар олгоно.

9.10. Энэ журмын 9.6, 9.7, 9.8-д дурьдсан үйл ажиллагааг хэрэгжүүлж, баталгаажуулснаар тухайн барилгыг ашиглалтад оруулсанд тооцно.

9.11.Байнгын ашиглалтад оруулах комисс ажиллахаас өмнө барилгын болон инженерийн гадна шугам сүлжээний гүйцэтгэлийн мэдээллийг хот байгуулалтын мэдээллийн санд оруулах үүргийг тухайн барилгын захиалагч /хөрөнгө оруулагч/ хүлээнэ.

9.12.Захиалагч /хөрөнгө оруулагч/ нь ашиглалтад оруулсан барилга байгууламжийн газрын зөвшөөрөл, тэг тэнхлэг таталтын акт, зураг төсөл, ил, далд ажлын гүйцэтгэлийн акт, гадна шугам сүлжээний гүйцэтгэлийн зураг, барилгын ажлын чанар, явцад зохиогчийн болон техникийн хяналт гүйцэтгэгчийн дүгнэлт болон бусад баримт бичгийг тухайн барилга байгууламжийг ашиглалтад оруулах комисс ажилласан өдрөөс хойш 14 хоногийн дотор холбогдох архивт шилжүүлнэ.

 

НАЙМДУГААР БҮЛЭГ. ХОРИГЛОХ ЗҮЙЛ

10.1.Нийслэлийн нутаг дэвсгэрт барилга барих үйл ажиллагааг хэрэгжүүлэхэд дараах зүйлийг хориглоно.

10.1.1.нутгийн захиргааны байгууллага болон эрх бүхий мэргэжлийн байгууллагын зөвшөөрөлгүй газар эзэмших, барилга байгууламж барих;

10.1.2. олгосон газарт зориулалтын бус барилга байгууламж барих, хүн амын амьдрах орчны чанарт сөрөг нөлөө бүхий үйл ажиллагаа явуулах;

10.1.3.бусдын газар эзэмшихтэй холбогдсон эрх, хууль ёсны ашиг сонирхлыг зөрчих;

10.1.4.эзэмшиж, ашиглаж буй газартаа геодезийн цэг, тэмдэгт болон эдлэн газрын хил заагийн тэмдэглээсийг гэмтээх, устгах, зохих зөвшөөрөлгүй нүүлгэн шилжүүлэх;

10.1.5.архитектур төлөвлөлтийн даалгаваргүйгээр барилгын эх загвар зураг боловсруулах, батлагдсан эх загвар зураггүйгээр ажлын зураг төсөл боловсруулах;

10.1.6.барилгын ажлыг магадлал хийгдсэн ажлын зураг төсөлгүйгээр гүйцэтгэх;

10.1.7.инженерийн шугам сүлжээний хамгаалалтын зурваст барилга байгууламж төлөвлөх, барих;

10.1.8.барилга угсралтын ажлыг эрх бүхий байгууллагын зөвшөөрөлгүйгээр эхлэх, үргэлжлүүлэх;

10.1.9.барилга байгууламжийн зураг төсөл боловсруулах, барилгын ажил гүйцэтгэх, зураг төсөл зохиогч, захиалагч /хөрөнгө оруулагч/-аас чанарын хяналт тавих, худалдан борлуулахтай холбогдсон ажиллагааг гэрээгүйгээр гүйцэтгэх;

10.1.10.барилга байгууламж барих ажилд стандартын шаардлага хангаагүй, гарал үүсэл, тохирлын гэрчилгээгүй, батлагдаагүй импортын материал, эдлэхүүн болон барилгын хэв хашмалын тулаасанд мод хэрэглэх;

10.1.11.барьж дуусаагүй, дууссан боловч ашиглалтад хүлээж аваагүй барилга байгууламжийг ашиглах;

10.1.12.газрын зөвшөөрөл, техникийн нөхцөл олгоогүй, зураг төсөл нь боловсруулагдаж дуусаагүй орон сууцны барилгад иргэдээс хөрөнгө төвлөрүүлөх;

10.1.13.эрх бүхий байгууллагаас барилгын холбогдох зөвшөөрлийг зохих журмын дагуу авсан иргэн, хуулийн этгээдийн барилга угсралтын ажилд хөндлөнгийн этгээд санаатайгаар саад хийх.

10.1.14. барилга угсралтын ажлын эхлэх үргэлжлүүлэх зөвшөөрөл аваагүй барилга байгууламжийг инженерийн дэд бүтцээр хангах;

10.1.15. дуудлага худалдаа, төсөл шалгаруулалтаар газар эзэмшүүлэх, ашиглуулах хуулийн заалтыг зөрчин газар эзэмшүүлэх шийдвэр гаргах.

10.1.16. хотын хөгжлийн ерөнхий төлөвлөгөө болон барилгын норм нормативыг зөрчин барилгын эх загвар зураг батлах

ЁСДҮГЭЭР БҮЛЭГ. ХАРИУЦЛАГА

 

11.1.Нийслэлийн нутаг дэвсгэрт барилга барих үйл ажиллагаанд оролцогч этгээд дараах үүргийг хүлээнэ.

11.1.1.газрыг зориулалтын дагуу эзэмшиж, ашиглах;

11.1.2.газрыг үр ашигтай, зохистой ашиглах, хамгаалах, байгаль орчныг хамгаалах тухай хууль тогтоомж болон төрийн эрх бүхий байгууллагаас газар ашиглалттай холбогдуулан тавьсан нийтлэг шаардлагыг биелүүлэх;

11.1.3.бусдын газар эзэмшихтэй холбогдсон эрх, хууль ёсны ашиг сонирхлыг зөрчихгүй байх;

11.1.4.газар эзэмших, ашиглах хугацаа дууссан, зохих зөвшөөрөлгүй барилга байгууламж барьсан иргэн, хуулийн этгээдэд газар чөлөөлөх тухай мэдэгдлийг эрх бүхий байгууллага, албан тушаалтнаас өгсөн тохиолдолд тухайн иргэн, хуулийн этгээд заасан хугацаанд багтааж газар чөлөөлөх;

11.1.5.барилга байгууламж барихтай холбогдон гудамж, зам, талбай сэтлэх, шугам сүлжээ барих, түүнд холболт хийх, мод цэцэрлэгжүүлэлтийг түр зайлуулбал нөхөн сэргээх ажил, үүнд шаардагдах зардлыг хариуцах;

11.1.6.барилга байгууламжийн орчны тохижилтыг иж бүрэн гүйцэтгэх;

11.1.7.барилгын зураг төсөл, барилгын ажилд хөндлөнгийн мэргэжлийн байгууллагаар хяналт хийлгэх;

11.1.8.барилгын талбай дахь хөдөлмөр хамгаалал, эрүүл ахуй, аюулгүй ажиллагааг хангах;

11.2.Нийслэлийн нутаг дэвсгэрт барилга барих үйл ажиллагаанд холбогдох хууль тогтоомж болон энэ журмыг зөрчсөн этгээдэд дор дурьдсан хариуцлагыг ногдуулна.

11.2.1.зохих зөвшөөрөлгүйгээр газар дээр барилга, байгууламж барьсан, эсхүл бусад хэлбэрээр түүнийг дур мэдэн эзэмшсэн бол газрыг албадан чөлөөлөх арга хэмжээ авч, холбогдох зардлыг гэм буруутай этгээдээс гаргуулна. Газрыг чөлөөлөөгүй бол уг барилга, байгууламжийг шаардлагатай гэж үзвэл төрийн өмчлөлд үнэ төлбөргүй шилжүүлнэ. /ГТх-57.3-57.5/

11.2.2.энэ журмын 11.1.4-т заасан үүргээ биелүүлээгүй иргэнийг хөдөлмөрийн хөлсний доод хэмжээг арван хоёроос хорь дахин, байгууллага, аж ахуйн нэгжийг дөчөөс ная дахин нэмэгдүүлсэнтэй тэнцэх хэмжээний төгрөгөөр торгож, албадан нүүлгэнэ. /ГТх-63.1.4/

11.2.3.17 давхар болон түүнээс доош давхартай барилга байгууламжийн эх загвар зураг батлагдснаас хойш 2 жилийн хугацаанд барилга угсралтын ажил эхлээгүй бол барилга байгууламжийн эх загвар зургийг хүчингүй болсонд тооцно.

11.2.4.газрын эрх цуцлагдсан, хугацаа сунгагдаагүй тохиолдолд барилгын эх загвар зураг хүчингүй болно.

11.2.5.барилгад техникийн нөхцөл авах, барилгын хийц, эдлэхүүний бат бэх, чанарын асуудлыг захиалагч болон зөвлөх үйлчилгээ үзүүлэгч хариуцна.

11.2.6.барилгын ажлыг эхлүүлэх, үргэлжлүүлэх зөвшөөрөл аваагүй этгээд барилга угсралтын ажил эхлүүлж, үргэлжлүүлсэн бол газар эзэмших, ашиглах эрхийг нийслэлийн Засаг даргын захирамжаар хүчингүй болгоно.

11.2.7.энэ журмын 10.1.1, 10.1.5, 10.1.6, 10.1.8, 10.1.9, 10.1.10-д заасныг зөрчсөн этгээдэд Барилгын тухай хуульд зааснаар иргэнийг 250000-500000, хуулийн этгээдийг 1000000-2000000 хүртэл төгрөгөөр торгоно. /БТх-26.1.2./

11.2.8.энэ журмын 11.1.14-т заасныг санаатайгаар зөрчсөн иргэн, хуулийн этгээддийнүйлдлийн улмаас хохирсон иргэн, хуулийн этгээд нь өөрт учирсан хохиролоо хууль хяналтын байгууллагад хандан шийдвэрлүүнэ.

11.2.9.барилга байгууламж, инженерийн шугам сүлжээ тохижилтын ажил гүйцэтгэх явцад учруулсан хохирлыг тухайн үйл ажиллагааг гүйцэтгэсэн этгээд хууль тогтоомжийн дагуу нөхөн төлж, ажлыг хийж гүйцэтгэнэ.

11.2.10.энэ журмын 10.1.2, 10.1.7-д заасныг зөрчсөн бол Хот байгуулалтын тухай хуульд зааснаар иргэнийг хөдөлмөрийн хөлсний доод хэмжээг 10-20 дахин, хуулийн этгээдийг 40-80 дахин нэмэгдүүлсэнтэй тэнцэх хэмжээний төгрөгөөр торгоно. /ХБТх-28.1.2./

11.2.11.энэ журмын 10.1.11, 10.1.12, 10.1.13-т заасныг зөрчсөн бол Барилгын тухай хуульд зааснаар иргэнийг 500000-1000000, хуулийн этгээдийг 2000000-4000000 төгрөгөөр торгож, учруулсан хохирлыг арилгахтай холбогдон гарах зардлыг төлүүлнэ. /БТх-26.1.3./

11.2.12.энэ журмын 10.1.12, 10.1.14, 10.1.16-т заасныг зөрчсөн албан тушаалтныг халах хүртэл сахилгын шийтгэл ногдуулна.

11.2.13. энэ журмын 10.1.15-т заасныг зөрчсөн Засаг даргад албан тушаалаас нь огцруулах хүртэл арга хэмжээ авна.

11.2.14.барилгын ажил гүйцэтгэсний дараа зам, талбай, шугам сүлжээ болон бусад байгууламжийг анх байсан байдлаар нь сэргээн засаагүй, эсхүл дутуу буюу чанаргүй гүйцэтгэсэн бол зөрчил гаргасан иргэнийг 30000 хүртэл, албан тушаалтныг 40000 хүртэл, хуулийн этгээдийг 150000 хүртэл төгрөгөөр торгоно. /ЗХТх-38 ¹.2 /

11.2.15.иргэн хуулийн этгээд чанар муутай, дутуу болон батлагдсан зураг төсөл зөрчиж барилга барьж, ашиглалтад хүлээлгэн өгсөний улмаас хохирол учруулсан бол Эрүүгийн хуульд заасны дагуу хариуцлага хүлээлгэнэ. /Эрүүгийн хуулийн 174-р зүйл/